بۆ کۆنترۆڵکردنی تای خوێنبەربوون وەزارەتی تەندروستی چەند ڕێوشوێنێکی ڕاگەیاند
وەزارەتی ته‌ندروستی حكومه‌تی هه‌رێمی كوردستان، نووسراویكی فه‌رمیی ئاڕاسته‌ی سه‌رجه‌م به‌ڕێوەبه‌رایه‌تییه‌كانی ته‌ندروستی له پاریزگا و ئیدارە سه‌ربه‌خۆكان دەكات كه بە مەبەستی کۆنترۆڵ کردنی نەخۆشی (تای خوێنبەربوون) ڕێكاری خێرا و پێویست بگرنه به‌ر، ئاماژه به‌وەش كراوە کە نەخۆشییەکی ڤایرۆسی زۆر مەترسیدارە و لەبەر تۆمارکردنی چەند حاڵەتێکی پشت ڕاستکراو لە هەندێک پارێزگاکانی هەرێمی کوردستان، پێویستە ئەم ڕێوشوێنانە لە خوارەوە بگرێنەبەر:
١ــ سەربرینی ئاژەڵان لە ماڵان بە هەموو شێویەك قەدەغەیە و سەربرین تەنها لە شوێنی رێپێدراو دەبێت .
٢ــ پابەندبوونی قەسابەکان بە لەبەرکردنی کەلوپەلی خۆپاراستن بەتایبەتی لەبەر كردنی دەستكێشی لاستیك و جلی تایبەتی
خۆپارێزی لەكاتی مامەڵەكردن لەگەڵ ئاژەڵ یان گوشت وخوێنەكەی بە شێوەی تەواو و لە کاتی سەرپێچی بە توندی سزادەدرێن .
٣ــ دوای سەر بڕینی ئاژهڵ دەبێت شوێنەكە پاكژ بكرێت بە بەكار هێنانی گیراوەی كلۆر (٥٪) دەگیرێتەوه بە بەكارهێنانی فاس بە
ڕێژەی 6 % وهەر بەشیك فاس بۆ ١١ بەش ئاو( وەهەروەها بەهەمان شێوە پاكژ كردنەوەی كەلوپەلی كە بەكارهاتووه لەكاتی
سەربڕینی و پارچەكردنی گۆشتی ئاژ هڵ .
٤ــ پێویستە هاووڵاتییان گۆشتی سوور لە شوێنی رێپێدراو بکڕن و دەستکێش لە دەست بکەن و ئاگاداربن دەستیان هیچ برینداری
نەبێت و تەختەی لەت کردنی گۆشت جیاواز بێت لە تەختەی لەت کردنی سەوزە، وپاشان شوێنی لەت کردنەکە بە باشی خاوێن
بکرێت بە ئاوى گەرم وسابوون و دواتر پاكژ كردنەوەى بە هەمان شێوە وەك خالى ٣، وکوڵاندنی گۆشت بەتەواو ی .
٥ــ لەبەر كردنی جلی قۆڵ درێژ و ڕەنگی كاڵ لەكاتی سەردانی ئ ەو شوێنانەی گەن ەكان تێدا بڵاوە تاوەکو دیار بێت, هەروەها
بەكارهێنانی كرێمی تایبەت بە دوور خستنەوهی مێروو و گەنە لە لەشی مرۆڤ .
٦ــ بەڕێوەبەرایەتییەکانی تەندروستی پێویستە هەماهەنگی لەگەڵ بەڕێوەبەرایەتییەکانی ڤێتێرنەری و کشتوکاڵ بکەن دەربارەی
ڕێکارەکانیان سەبارەت بە رشاندنی ئاژەڵان بە قڕکەر.
٧ــ چەخت کردنەوە لە کاری پتەوکردنی تەندروستی بۆ پاراستنی هاوڵاتیان لە ڕێگای هەڵمەتی جیاواز و بڵاوکردنەوەی ڕێنمایی
بەمەبەستی گەیاندنی زانیاری دروست .
٨ــ جێبەجێ کردنی چالاکییەکانی ڕشاندنی شوێنی گەنەکان بە گوێرەی پلانی ساڵانەی کۆنترۆڵ کردنی نەخۆشییە گۆێزراوەکان.
٩ــ پابەندبوونی کارمەندانی تەندروستی بە لەبەرکردنی کەرەستەی خۆپارێزی کەسی بە شێوەیەکی زانستی دروست.
